Abadiño 2014 A-k 4. jardunaldian Etxebarrirenaurka jokatu zuen, azkena zegoen taldearen kontra, baina irteera ez zen batere erraza izango.
Lehen zatia nahiko trabatua izan zen, ez Abadiñok ez Etxebarrik ez zuten asko sortu. Baina 18. minutuan Ioritzek baloi bat lapurtu eta Oier bakarrik utzi zuen, eta hark ez zuen barkatu: 0-1 eta aurretik!

Bigarren zatian berdin-berdin, ez zen inor asko nagusitu, baina guk markagailua alde geneukan eta lasaiago ibili ginen. 37. minutuan, Leokatezainaren sake batean lehia irabazi, biratu eta gola sartu zuen, benetako golazoa! 0-2 jarri ginen eta 20 minutu faltan zirudien kontrolpean geneukala.

Baina hirugarren zatian berriro agertu ziren aurreko asteko mamuak (etxean 2-3 galdu genuenean 2-0 irabazten azken 10 minuturarte) Hasi eta berehala, gure korner baten kontraeran 1-2 sartu ziguten. Ordutik aurrera gaizki hasi ginen: ez genuen lehien irabazten, ez ginen zehatz ibiltzen...

49. minutuan, 10 minutu faltan, berriro kolpe gogorra: ez dugu lehia irabazi, gure hegalekoak ez du lagundu, eta 2 kontra 1ean sartu digute oso gol tontoa. Eta handik gutxira, erdiko zirkulutik atera eta gure atzelariak regate bat  galdu sien gure arean... 3-2 eta listo, partidua joan zaigu.

Egia esan, ondo jokatzen ari gara eta taldea lanean gogor dabil astez aste, baina emaitzak oraindik ez datoz. Baina denok badakigu talde honek goian egoteko maila daukala, eta aste honetan berriro lan ona egingo dugu.
Aupa Abadiño beti!